ចាប់ពីថ្ងៃទី១១ ដល់ថ្ងៃទី១៦ ខែកញ្ញា ឆ្នាំ២០២៦ មន្ទីរទេសចរណ៍ខេត្តក្រចេះ បានបញ្ជូនសិក្ខាកាមជាគ្រូបង្គោលចំនួន ៣រូប ចូលរួមហាត់ការជំនាញវិជ្ជាជីវៈ នៅតាមមូលដ្ឋានអាជីវកម្ម សេវាកម្មទេសចរណ៍ ក្នុងខេត្តសៀមរាប ដោយផ្តោតលើជំនាញវិជ្ជាជីវៈផ្សេងៗគ្នាដូចខាងក្រោម៖

១.កញ្ញា បូ ធីតា ប្រធានការិយាល័យ រដ្ឋបាលបុគ្គលិក ហិរញ្ញវត្ថុ បានហាត់ការនៅសណ្ឋាគារ Sarai Resort & Spa លើជំនាញ ការិយាល័យជួរមុខ (Front Office)។

២.កញ្ញា សុខ ដារ៉េត មន្រ្តីការិយាល័យ រដ្ឋបាលហិរញ្ញវត្ថុ បានហាត់ការនៅសណ្ឋាគារ Treeline Urban Resort លើជំនាញគេហកិច្ច (House Keeping)។

៣.លោកស្រី យ៉ាវ ចាន់រ៉ា មន្ត្រីការិយាល័យ រដ្ឋបាលហិរញ្ញវត្ថុ បានហាត់ការនៅសណ្ឋាគារ Park Hyatt Siem Reap លើជំនាញសេវាកម្មម្ហូបអាហារ និងភេសជ្ជៈ (Food and Beverage Service)។

ការហាត់ការវិជ្ជាជីវៈនេះ មានគោលបំណងពង្រឹងចំណេះដឹង ជំនាញ និងបទពិសោធន៍ការងារជាក់ស្តែងរបស់ក្រុមគ្រូបង្គោលហូកា តាមរយៈការសិក្សា សង្កេត និងអនុវត្តការងារផ្ទាល់នៅតាមមូលដ្ឋានអាជីវកម្ម។

ចំណេះដឹង និងបទពិសោធន៍ដែលទទួលបានពីការហាត់ការនេះ នឹងក្លាយជាមូលដ្ឋានសម្រាប់ក្រុមគ្រូបង្គោលយកទៅអនុវត្ត និងចែករំលែកបន្តក្នុងការងារបណ្តុះបណ្តាលជំនាញទេសចរណ៍ និងបដិសណ្ឋារកិច្ច ដើម្បីរួមចំណែកពង្រឹងគុណភាពធនធានមនុស្សក្នុងវិស័យទេសចរណ៍សម្រាប់ខេត្តក្រចេះ។