ខេត្តស្ទឹងត្រែង៖ នៅថ្ងៃទី៣០ ខែកក្កដា ឆ្នាំ២០២៦ លោក ជា ហាក់ អនុប្រធានការិយាល័យនៃមន្ទីរទេសចរណ៍ខេត្តស្ទឹងត្រែង បានអញ្ជើញចូលរួមជាគ្រូឧទ្ទេសក្នុងវគ្គបណ្តុះបណ្តាល «ជំនាញមគ្គុទ្ទេសក៍ទេសចរណ៍ថ្នាក់សហគមន៍» សម្រាប់សិក្ខាកាមនៅខេត្តស្ទឹងត្រែង។
ក្នុងដំណើរការនៃវគ្គបណ្តុះបណ្តាល លោកគ្រូឧទ្ទេសបានចែករំលែកចំណេះដឹង បទពិសោធន៍ជាក់ស្តែង និងបច្ចេកទេសវិជ្ជាជីវៈលើមេរៀនស្តីពី «ភូមិសាស្រ្ត ប្រវត្តិសាស្រ្ត សក្ដានុពលទេសចរណ៍ខេត្តស្ទឹងត្រែង» មេរៀននេះបានបង្ហាញពីទីតាំងភូមិសាស្ត្ររបស់ខេត្ត ប្រវត្តិនៃការកកើត និងការអភិវឌ្ឍ ព្រមទាំងសក្ដានុពលផ្នែកទេសចរណ៍ធម្មជាតិ វប្បធម៌ និងប្រវត្តិសាស្ត្រ ដែលជាមូលដ្ឋានសម្រាប់ការអភិវឌ្ឍសេដ្ឋកិច្ច និងការលើកកម្ពស់វិស័យទេសចរណ៍ប្រកបដោយចីរភាព។
គោលបំណងសំខាន់នៃមេរៀន រួមមាន៖
១.លើកកម្ពស់ការយល់ដឹងអំពីទីតាំងភូមិសាស្ត្រ ព្រំប្រទល់ និងលក្ខណៈធម្មជាតិរបស់ខេត្តស្ទឹងត្រែង។
២.ស្វែងយល់ពីប្រវត្តិនៃការកកើត ការវិវត្ត និងអត្តសញ្ញាណប្រវត្តិសាស្ត្ររបស់ខេត្ត។
៣.ស្គាល់អំពីសក្ដានុពលធនធានធម្មជាតិ វប្បធម៌ និងតំបន់ទេសចរណ៍សំខាន់ៗ ដែលអាចទាក់ទាញភ្ញៀវទេសចរជាតិ និងអន្តរជាតិ។
៤.ពង្រឹងការយល់ដឹងអំពីតួនាទីរបស់វិស័យទេសចរណ៍ក្នុងការអភិវឌ្ឍសេដ្ឋកិច្ច សង្គម និងការបង្កើតឱកាសការងារសម្រាប់ប្រជាពលរដ្ឋ។
៥.ជំរុញការចូលរួមក្នុងការអភិរក្សបេតិកភណ្ឌធម្មជាតិ និងវប្បធម៌ ព្រមទាំងការអភិវឌ្ឍវិស័យទេសចរណ៍ប្រកបដោយចីរភាព។
៦.អនុវត្តចំណេះដឹងដែលទទួលបាន ដើម្បីផ្សព្វផ្សាយ និងលើកកម្ពស់សក្តានុពលទេសចរណ៍ខេត្តស្ទឹងត្រែងឱ្យកាន់តែទូលំទូលាយ។
មេរៀននេះមានសារៈសំខាន់ ក្នុងការផ្តល់នូវចំណេះដឹងទូលំទូលាយអំពីសក្តានុពល និងអត្តសញ្ញាណរបស់ខេត្តស្ទឹងត្រែង ដែលជាមូលដ្ឋានសម្រាប់ការយល់ដឹងអំពីការអភិវឌ្ឍវិស័យទេសចរណ៍។ លើសពីនេះ វាបានជួយបណ្តុះស្មារតីស្រឡាញ់ និងថែរក្សាបេតិកភណ្ឌធម្មជាតិ និងវប្បធម៌ ព្រមទាំងជំរុញឱ្យសិក្ខាកាមចូលរួមផ្សព្វផ្សាយ និងអភិវឌ្ឍវិស័យទេសចរណ៍ប្រកបដោយការទទួលខុសត្រូវ និងចីរភាព ដើម្បីរួមចំណែកលើកកម្ពស់សេដ្ឋកិច្ច និងកិត្យានុភាពរបស់ខេត្តស្ទឹងត្រែង និងព្រះរាជាណាចក្រកម្ពុជា។
