ចាប់ពីថ្ងៃទី១១ ដល់ថ្ងៃទី១៦ ខែកញ្ញា ឆ្នាំ២០២៦ មន្ទីរទេសចរណ៍ខេត្តបន្ទាយមានជ័យ បានបញ្ជូនសិក្ខាកាមជាគ្រូបង្គោលចំនួន ៥រូប (ស្រី ២រូប) ចូលរួមហាត់ការជំនាញវិជ្ជាជីវៈ នៅតាមមូលដ្ឋានអាជីវកម្ម សេវាកម្មទេសចរណ៍ ក្នុងខេត្តសៀមរាប ដោយផ្តោតលើជំនាញវិជ្ជាជីវៈផ្សេងៗគ្នាដ

១.លោក ដឿន ដា ប្រធានការិយាល័យអប់រំ និងបណ្តុះបណ្តាល បានហាត់ការនៅ Anantara Angkor Resort លើជំនាញការិយាល័យជួរមុខ (Front Office)។

២.លោកស្រី ផាត់ សុភាព អនុប្រធានការិយាល័យព័ត៌មាន បានហាត់ការនៅ Angkor Grace Residence & Wellness Resort លើជំនាញសេវាកម្មម្ហូបអាហារ និងភេសជ្ជៈ (Food and Beverage Service)។

៣.លោក ខា លីដូ មន្ត្រីការិយាល័យរដ្ឋបាល បានហាត់ការនៅ Abacus Restaurant លើជំនាញចុងភៅ (Cookery)។

៤.លោក ឈឿន សារវន្ត មន្ត្រីការិយាល័យរដ្ឋបាល បានហាត់ការនៅ Lotus Blanc Resort លើជំនាញសេវាកម្មម្ហូបអាហារ និងភេសជ្ជៈ។(Food and Beverage Service)

៥.កញ្ញា ផាត់ សុផៃ មន្ត្រីការិយាល័យផែនការ បានហាត់ការនៅ Sokha Angkor Resort លើជំនាញគេហកិច្ច (Housekeeping)។

ការហាត់ការវិជ្ជាជីវៈនេះ មានគោលបំណងពង្រឹងចំណេះដឹង ជំនាញ និងបទពិសោធន៍ការងារជាក់ស្តែងរបស់ក្រុមគ្រូបង្គោលហូកា តាមរយៈការសិក្សា សង្កេត និងអនុវត្តការងារផ្ទាល់នៅតាមមូលដ្ឋានអាជីវកម្ម។

ចំណេះដឹង និងបទពិសោធន៍ដែលទទួលបានពីការហាត់ការនេះ នឹងក្លាយជាមូលដ្ឋានសម្រាប់ក្រុមគ្រូបង្គោលយកទៅអនុវត្ត និងចែករំលែកបន្តក្នុងការងារបណ្តុះបណ្តាលជំនាញទេសចរណ៍ និងបដិសណ្ឋារកិច្ច ដើម្បីរួមចំណែកពង្រឹងគុណភាពធនធានមនុស្សក្នុងវិស័យទេសចរណ៍។