ចាប់ពីថ្ងៃទី១១ ដល់ថ្ងៃទី១៦ ខែកញ្ញា ឆ្នាំ២០២៦ មន្ទីរទេសចរណ៍ខេត្តកោះកុង បានបញ្ជូនសិក្ខាកាមជាគ្រូបង្គោលចំនួន ៥រូប បានចូលរួមហាត់ការជំនាញវិជ្ជាជីវៈ នៅតាមមូលដ្ឋានអាជីវកម្ម សេវាកម្មទេសចរណ៍ ក្នុងខេត្តសៀមរាប ដោយផ្តោតលើជំនាញវិជ្ជាជីវៈផ្សេងៗគ្នាដូចខាងក្រោម៖

១.លោក សេត រ៉ាស៊ូ អនុប្រធានមន្ទីរទេសចរណ៍ខេត្តកោះកុង បានហាត់ការនៅសណ្ឋាគារ Shinta Mani Angkor លើជំនាញគេហកិច្ច (Housekeeping)

២.លោក ឈៀង វិច្ឆ័យ ប្រធានការិយាល័យផែនការ វិនិយោគ និងអភិវឌ្ឍន៍ផលិតផលទេសចរណ៍ នៃមន្ទីរទេសចរណ៍ខេត្តកោះកុង បានហាត់ការនៅសណ្ឋាគារ Sarai resort & Spa លើជំនាញ ចុងភៅ (Kitchen) ។

៣.លោក សំ សាដាំ មន្ត្រី នៃមន្ទីរទេសចរណ៍ខេត្តកោះកុង បានហាត់ការនៅសណ្ឋាគារ PARK HYATT SIEM REAP លើជំនាញគេហកិច្ច (Housekeeping) ។

៤.លោក វុធ ច័ន្ទដារិទ្ធ មន្ត្រី នៃមន្ទីរទេសចរណ៍ខេត្តកោះកុង បានហាត់ការនៅសណ្ឋាគារ Lynnaya Urban River Resort & Spa លើជំនាញសេវាកម្មម្ហូបអាហារ និងភេសជ្ជ: (Food & Beverage Service) ។

៥.លោក ផូប៊ុនធឿន ដេវីត មន្ត្រី នៃមន្ទីរទេសចរណ៍ខេត្តកោះកុង បានហាត់ការនៅសណ្ឋាគារ Shinta Mani Angkor លើជំនាញការិយាល័យជួរមុខ (Front Office) ។

ការហាត់ការវិជ្ជាជីវៈនេះ មានគោលបំណងពង្រឹងចំណេះដឹង ជំនាញ ឥរិយាបទ និងបទពិសោធន៍ការងារជាក់ស្តែងរបស់ក្រុមគ្រូបង្គោលហូកាប្រចាំមន្ទីរ តាមរយៈការសិក្សា សង្កេត និងអនុវត្តការងារផ្ទាល់នៅតាមមូលដ្ឋានអាជីវកម្ម។

ចំណេះដឹង និងបទពិសោធន៍ ដែលទទួលបានពីការហាត់ការនេះ នឹងក្លាយជាមូលដ្ឋានសម្រាប់ក្រុមគ្រូបង្គោលយកទៅអនុវត្ត និងចែករំលែកបន្តក្នុងការងារបណ្តុះបណ្តាលជំនាញទេសចរណ៍ និងបដិសណ្ឋារកិច្ច ដើម្បីរួមចំណែកពង្រឹងគុណភាពធនធានមនុស្សក្នុងវិស័យទេសចរណ៍សម្រាប់ខេត្តកោះកុងផងដែរ។