ចាប់ពីថ្ងៃទី១១ ដល់ថ្ងៃទី១៦ ខែកញ្ញា ឆ្នាំ២០២៦ មន្ទីរទេសចរណ៍ខេត្តប៉ៃលិន បានបញ្ជូនសិក្ខាកាមជាគ្រូបង្គោលចំនួន ៥រូប ចូលរួមហាត់ការជំនាញវិជ្ជាជីវៈ នៅតាមមូលដ្ឋានអាជីវកម្ម សេវាកម្មទេសចរណ៍ ក្នុងខេត្តសៀមរាប ដោយផ្តោតលើជំនាញវិជ្ជាជីវៈផ្សេងៗគ្នាដូចខាងក្រោម៖

-កញ្ញា សូ ថាក់ស៊ិនសុរិន្ទចម អនុប្រធានមន្ទីរ បានហាត់ការនៅ Shinta mani angkor លើជំនាញ សេវាកម្មម្ហូបអាហារ និងភេសជ្ជ: (Food & Beverage Service)។

-លោកស្រី ឯក រដ្ឋា ប្រធានការិយាល័យអប់រំ និងបណ្តុះ បណ្តាល បានហាត់ការនៅ Embassy Reasterant លើជំនាញចុងភៅ (cooking)។

-លោកស្រី យ៉ាន់ យ៉ាន អនុប្រធានការិយាល័យទីក្រុងស្អាត បានហាត់ការនៅ Malis Restaurant លើជំនាញចុងភៅ (Cooking)។

-កញ្ញា ឆេង សៀវយី មន្ត្រីជាប់កិច្ចសន្យា បានហាត់ការនៅ Lynnaya Urban River Resort and Spa លើជំនាញការិយាល័យជួរមុខ (Front Office) ។

-លោកស្រី ម៉ៅ សុវត្ថិ មន្ត្រីជាប់កិច្ចសន្យា បានហាត់ការនៅSARAI RESORT &SPA លើជំនាញការិយាល័យជួរមុខ (Front Office) ។

ការហាត់ការវិជ្ជាជីវៈនេះ មានគោលបំណងពង្រឹងចំណេះដឹង ជំនាញ និងបទពិសោធន៍ការងារជាក់ស្តែងរបស់ក្រុមគ្រូបង្គោលហូកា តាមរយៈការសិក្សា សង្កេត និងអនុវត្តការងារផ្ទាល់ក្រោមបរិយាកាស និងទិដ្ឋភាពពិត នៅតាមមូលដ្ឋានអាជីវកម្ម។

ចំណេះដឹង និងបទពិសោធន៍ដែលទទួលបានពីការហាត់ការនេះ នឹងក្លាយជាមូលដ្ឋានសម្រាប់ក្រុមគ្រូបង្គោលយកទៅអនុវត្ត និងចែករំលែកបន្តក្នុងការងារបណ្តុះបណ្តាលជំនាញទេសចរណ៍ និងបដិសណ្ឋារកិច្ច ដើម្បីរួមចំណែកពង្រឹងគុណភាពធនធានមនុស្សក្នុងវិស័យទេសចរណ៍។