១.លោកស្រី កែវ សេរីវិជ្ជរ៉ា ប្រធានការិយាល័យអប់រំបណ្តុះបណ្តាល ហាត់ការជំនាញសេវាកម្មម្ហូបអាហារ និងភេសជ្ជៈ (Food &Beverage Service) នៅសណ្ឋាគារ Park Hyatt Siem Reap ចំនួន ១រូប ។
២.លោក សំ ប្រាថ្នា ប្រធានការិយាល័យទីក្រុងស្អាត ហាត់ការជំនាញចុងភៅ (Cook) នៅសណ្ឋាគារ Lynnaya Urban River Resort &Spa ចំនួន ១រូប ។
៣.កញ្ញា ម៉ៅ សុវឌ្ឍធីតា អនុប្រធានការិយាល័យអប់រំបណ្តុះបណ្តាល ហាត់ការជំនាញគេហកិច្ច (Housekeeping) នៅសណ្ឋាគារ Angkor Grace ចំនួន ១រូប ។
៤.លោក សុខ សាថុន អនុប្រធានការិយាល័ផែនការវិនិយោគ និងអភិវឌ្ឍន៍ផលិតផលទេសចរណ៍ ហាត់ការជំនាញសេវាកម្មម្ហូបអាហារ និងភេសជ្ជៈ (Food &Beverage Service) នៅសណ្ឋាគារ Borei Angkor Resort & Spa ចំនួន ១រូប ។
៥.កញ្ញា ថៃ ចរិយា មន្ត្រីជាប់កិច្ចសន្យា ហាត់ការជំនាញការិយាល័យជួរមុខ (Front Office) នៅសណ្ឋាគារ Park Hyatt Siem Reap ចំនួន ១រូប ។
លទ្ធផលទទួលបានពីការហាត់ការ (Overall Results)៖
-ទ្រឹស្តីទៅការអនុវត្តពិត៖ ផ្លាស់ប្តូរការរៀនសូត្រទ្រឹស្តីពីថ្នាក់រៀន និងវគ្គបណ្តុះបណ្តាលគ្រូបង្គោល/អ្នកវាយតម្លៃ មកជាការបម្រើសេវាកម្មផ្ទាល់ជូនភ្ញៀវអន្តរជាតិស្តង់ដារលំដាប់ផ្កាយ៥ ។
-ជំនាញ និងទំនុកចិត្ត៖ ទទួលបានជំនាញបច្ចេកទេស (Hard Skills) ប្រកបដោយភាពប្រណីត និងពង្រឹងជំនាញទន់ (Soft Skills) ដូចជាការទំនាក់ទំនងភាសាបរទេស វិន័យ ការធ្វើការជាក្រុម (Teamwork) និងការដោះស្រាយបញ្ហាចំពោះមុខដោយទំនុកចិត្តខ្ពស់។
គោលដៅទៅថ្ងៃមុខ (Future Goals)៖
ប្តេជ្ញាចិត្តយកចំណេះដឹង ជំនាញ និងបទពិសោធន៍ស្ដង់ដារដែលទទួលបាន ទៅអភិវឌ្ឍអាជីពការងារក្នុងវិស័យបដិសណ្ឋារកិច្ចឱ្យមានជំនាញច្បាស់លាស់ និងរួមចំណែកលើកស្ទួយវិស័យទេសចរណ៍ក្នុងខេត្តពោធិ៍សាត់ និងប្រទេសកម្ពុជាឱ្យកាន់តែរីកចម្រើន។
សូមថ្លែងអំណរគុណយ៉ាងជ្រាលជ្រៅចំពោះ ក្រសួងទេសចរណ៍ គម្រោង HoKa អង្គការ Swisscontact និងបណ្តាសណ្ឋាគារ ភោជនីយដ្ឋានដៃគូទាំងអស់នៅខេត្តសៀមរាប ដែលបានផ្តល់ឱកាសមាសនេះ។
