អត្តសញ្ញាណឌីជីថលសម្រាប់អ្នកជំនាញទេសចរណ៍កម្ពុជា
ប្រព័ន្ធផ្លូវការសម្រាប់ការចុះបញ្ជី ការបណ្តុះបណ្តាល ការវាយតម្លៃ និងការបញ្ជាក់វិញ្ញាបនបត្រដល់អ្នកជំនាញទេសចរណ៍នៅកម្ពុជា ដែលស្របតាមស្តង់ដារជាតិ និងអាស៊ាន។
វិថីសិក្សាទាំងបីសម្រាប់បុគ្គលិកបម្រើការក្នុងវិស័យទេសចរណ៍ — ពីជំនាញស្នូល រហូតដល់ការទទួលស្គាល់ថ្នាក់អាស៊ាន
កម្រឹតសិក្សាស្នូលសម្រាប់បុគ្គលិកក្នុងវិស័យទេសចរណ៍ ដែលគ្របដណ្តប់លើជំនាញចាំបាច់ក្នុងគ្រប់មុខតំណែង។
ទទួលបានវិញ្ញាបនបត្រថ្នាក់ជាតិ និងបើកផ្លូវការសិក្សាថ្នាក់ខ្ពស់ដើម្បីអភិវឌ្ឍអាជីពក្នុងវិស័យទេសចរណ៍កំពុងរីកចម្រើននៅកម្ពុជា។
សម្រាប់អ្នកជំនាញដែលប្រើប្រាស់ភាសាអង់គ្លេស ដែលស្វែងរកឱកាសការងារក្នុងតំបន់អាស៊ាន។
ជំហានទាំងបីសម្រាប់ទទួលបានវិញ្ញាបនបត្រ ដែលទទួលស្គាល់ដោយក្រសួងទេសចរណ៍។
ចុះបញ្ជីក្នុងប្រព័ន្ធ CTPRS បំពេញប្រវត្តិរូប និងរង់ចាំការប្រកាសវគ្គ
ចូលរួមការបណ្តុះបណ្តាលតាមអនឡាញ ឬផ្ទាល់ ហើយបង្ហាញសមត្ថភាពតាមការវាយតម្លៃផ្លូវការ
ទទួលបានវិញ្ញាបនបត្រដែលទទួលស្គាល់ដោយក្រសួងទេសចរណ៍ និងដៃគូ ក្នុងស្រុក និងក្នុងតំបន់
ស្តាប់ផ្ទាល់ពីសិក្ខាកាមដែលធ្លាប់ទទួលបានការបណ្តុះបណ្តាលតាមរយៈកម្មវិធីរបស់យើង
"ការសិក្សាជំនាញទេសចរណ៍អនឡាញអាចទទួលបានចំណេះដឹងដូចការសិក្សាថ្នាក់ផ្ទាល់ដែរ។ ខ្ញុំអាចសិក្សាគ្រប់ពេល គ្រប់ទីកន្លែង — ហើយអាចមើលវីដេអូឡើងវិញ។ វាពិតជាសន្សំពេលវេលា ដោយមិនបាត់បង់គុណភាព។"
"ខ្ញុំរីករាយ និងអរគុណដែលក្រសួងបានបង្កើតកម្មវិធីនេះ។ វាផ្តល់ឱ្យខ្ញុំ និងសិក្ខាកាមទាំងអស់ ឱកាសសិក្សាតាមល្បឿនផ្ទាល់ខ្លួន គ្រប់ពេលដែលចង់បាន។"
សកម្មភាព និងសមិទ្ធផលពីនាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍
នាព្រឹកថ្ងៃទី២៧ ខែកុម្ភៈ ឆ្នាំ២០២៦ លោក ជួប រតនា ប្រធាននាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ បានដឹកនាំក្រុមការងារចូលជួបសម្តែងការគួរសម និងពិភាក្សាការងារជាមួយ ឯកឧត្តមបណ្ឌិតសភាចារ្យ សុខ ទូច ប្រធានរាជបណ្ឌិត្យសភាកម្ពុជា។ ជំនួបនេះរៀបចំឡើងក្នុងគោលបំណងពិភាក្សាលើកិច្ចសហប្រតិបត្តិការក្នុងការជំរុញ លើកកម្ពស់ និងអភិវឌ្ឍសមត្ថភាពអ្នកជំនាញទេសចរណ៍កម្ពុជា ការផ្សព្វផ្សាយជំនាញវិជ្ជាជីវៈទេសចរណ៍តាមរយៈ «ទូរទស្សន៍ខ្សឹបទេសចរណ៍» (Tourism Podcasts) ក៏ដូចជាការចុះបញ្ជីគ្រឹះស្ថានបណ្តុះបណ្តាលជំនាញវិជ្ជាជីវៈទេសចរណ៍។
អានបន្តខេត្តសៀមរាប៖ នាព្រឹកថ្ងៃទី២៤ ខែកុម្ភៈ ឆ្នាំ២០២៥ ដោយការអនុញ្ញាតដ៏ខ្ពង់ខ្ពស់របស់ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ឯកឧត្តម ប៉ាក់ សុខុម រដ្ឋលេខាធិការក្រសួងទេសចរណ៍ និងជាប្រធានគណៈកម្មាធិការគ្រប់គ្រងគម្រោងហូកា (HoKa) រួមជាមួយ លោក ង៉ូវ សេងកាក់ អភិបាលរងខេត្តសៀមរាប និង លោក គង់ ដារ៉ា ប្រធានកម្មវិធីបណ្តុះបណ្តាលនៃអង្គការ Swisscontact បានអញ្ជើញជាអធិបតីក្នុងពិធីបើកវគ្គបណ្តុះបណ្តាលគ្រូបង្គោលហូកា ជំនាញចុងភៅ។ ពិធីនេះត្រូវបានរៀបចំឡើងនៅថ្នាក់ធ្វើម្ហូបសុភ័ស សង្កាត់ជ្រាវ ក្រុងសៀមរាប ដោយមានការចូលរួមពីតំណាងគ្រឹះស្ថាន TVET សមាគមឧស្សាហកម្មទេសចរណ៍ សណ្ឋាគារ ភោជនីយដ្ឋាន សមាគមចុងភៅកម្ពុជា និងសិក្ខាកាមសរុបចំនួន ៤០ រូប។
អានបន្តរាជធានីភ្នំពេញ៖ នារសៀលថ្ងៃទី២៣ ខែកុម្ភៈ ឆ្នាំ២០២៦ លេខាធិការដ្ឋាន នៃគណៈកម្មាធិការគ្រប់គ្រងគម្រោង ហូកា (HoKa) បានរៀបចំកិច្ចប្រជុំបច្ចេកទេស ស្តីពី “ការពិនិត្យ និងផ្តល់ធាតុចូលកម្មវិធីសិក្សាផ្អែកលើសមត្ថភាពសម្រាប់សចរណ៍ បន្តរៀបចំកម្មវិធីសិក្សាផ្អែកលើសមត្ថភាព សម្រាប់កញ្ចប់ស្តង់ដាសមត្ថភាព សញ្ញាបត្របច្ចេកទេស ២ និង៣ ជំនាញការិយាល័យជួរមុខ និងសេវាកម្មម្ហូបអាហារ និងភេសជ្ជៈ”។ កិច្ចប្រជុំនេះបានប្រព្រឹត្តទៅក្រោមអធិបតីភាពរបស់ លោក ចឹក គារុណ អនុប្រធាននាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ និងជាតំណាង លោក ជួប រតនា ប្រធាននាយកដ្ឋានបណ្តុះបណ្តាលជំនាញវិជ្ជាជីវៈទេសចរណ៍ និងជាប្រធានលេខាធិការដ្ឋាន គ.គ.ហ ដោយមានការអញ្ជើញចូលរួមពីតំណាងក្រុមហ៊ុន អេ ធី ភី ខន់សាល់ធិន (ATP Consulting) អង្គការស្វីស ខន់ថាក់ (Swisscontact) លោក លោកស្រី គ្រូបង្គោលជាតិ អ្នកវាយតម្លៃបង្គោលជាតិ តំណាងសាលាបណ្តុះបណ្តាលជំនាញវិជ្ជាជីវៈ និងមន្ត្រីជំនាញសរុបប្រមាណ ៤៥ រូប។
អានបន្តជ្រើសរើសតួនាទីរបស់អ្នក ហើយក្លាយជាផ្នែកមួយនៃប្រព័ន្ធអ្នកជំនាញទេសចរណ៍កម្ពុជា
ទទួលព្រឹត្តិប័ត្រព័ត៌មានរបស់យើងសម្រាប់ព័ត៌មាន វគ្គសិក្សាថ្មី និងការអប់ដេតពីនាយកដ្ឋាន
